مقالات

مجموعة من المقالات التي تتناول أهم الموضوعات المتعلقة بالصحة الجنسية

أسطورة الـچي سبوت

أكيد سمعتي كلام كتير عن ال G-Spot أو نقطة الجي ومش عارفة ايه هي؟ من الكلام الشائع عن نقطة الجي انها  جزء من العضو التناسلي للمرأة وإثارتها بتساعد المرأة انها توصل للنشوة الجنسية

من خلال الموضوع ده هنحاول نوضح ليكي حقيقة نقطة الجي، وازاي تقدري تحددي مكانها وبتعمل ايه بالظبط!

خلينا نبدأ بنقطة الجي نفسها أو الجي سبوت، مكتشفها هو الدكتور الألماني إرنست جرافنبرج في الخمسينات، وفيه دراسات بتقول ان النقطة دي بتساعد أكتر من 50% من النساء عشان يوصلوا للنشوة القصوي في حالة استثارتها بالشكل السليم. دكتور جرافنبرج حدد وجود الجي سبوت أعلى جدار المهبل وسماها باسمه نقطة جرافنبرج، بعدها ب30 سنة تقريبًا اختصروا الاسم للتسهيل وبقت نقطة الجي أو جي سبوت G-Spot

 

في الحقيقة أبحاث علمية كتير مقدرتش تأكد وجود نقطة الجي بشكل علمي واضح، وده عشان أماكن الاستثارة في المرأة بتختلف من حد للتاني زي ما بتأكد أبحاث علمية تانية، ولحد دلوقتي مش معروف مكان نقطة الجي بالتحديد.

 

طيب ليه الجي سبوت بالتحديد مع ان الموضوع بيختلف من شخص للتاني؟ الجي سبوت بالتحديد ليها موقع مميز علشان زاوية دخول العضو الذكري أثناء الجماع بتكون قريبة منها، كمان قريبة من نقطة التلاقي بين عظمتين الحوض، وده بيخلي نقطة الجي موجودة بين نقطتين مسببين للإثارة اللي هما العضو الذكري وعظام الحوض وده بيخلي النهايات العصبية اللي فيها تستثار بشكل مزدوج وبيسهل عملية الوصول للنشوة الجنسية بشكل أسرع وأفضل.

 

دراسات وتقارير علمية كتير بتأكد ان مش بالضرورة المرأة توصل للنشوة الجنسية عن طريق الإيلاج بس، في الحقيقة بعض الدراسات حتي بتأكد ان 18% بس من الستات بيوصلوا للنشوة عن طريق الإيلاج بس، وده اللي بيدي أهمية كبيرة للجي سبوت واستثارتها كمحاولة للوصول للنشوة الجنسية سواء أثناء الجماع أو أثناء المداعبة حتى. الوصول للنشوة الجنسية مش بس مهم لاستمتاعك أثناء العلاقة، ده فيه دراسات بتأكد ان النشوة الجنسية بتساعد في تقليل التوتر وبتحسن صحة بشرتك وبتخلي مزاجك العام أحسن.

 

 

 

 

طب ازاي تلاقي الجي سبوت؟

زي ما قلنا قبل كده نقطة الجي سبوت بتختلف من واحدة للتانية ومفيش مكان محدد لوجودها، علشان كده لازم تجربي أكتر من مرة عن طريق الاستكشاف لحد ما تلاقي الجي سبوت الخاصة بيكي، ودي الطريقة اللي ممكن تجربي بيها لحد ما تلاقي النتيجة

  1. استرخي على الظهر في وضع مريح ليكي، وبعدها قومي بإدخال إصبع أو اثنين في فتحة المهبل لسنتيمترات قليلة وخلى اتجاه الكف لفوق، وتقدري تستخدمي كريم بليزن المرطب عشان تسهلي العملية على نفسك وتتجنبي أي شعور بلألم
  2. اضغطي على الجدار المهبلي الأمامي مباشرة مع عمل دغدغة خفيفة،  وممكن تضغطي بقوة متوسطة من غير قلق أو خوف،
  3. افتكري دايمًا انك مش بتدوري على نقطة معينة، انتي بتدوري وبتستكشفي منطقتك الخاصة اللي بتديكي أفضل إحساس وأكثرها إثارة
  4. لو مقدرتيش تلاقيها برضه، جربي تدوري بالإيد الثانية بره الجسم مع وجود الإيد الأولى في مكانها داخل المهبل وامشي في خط مستقيم من أول السرة في البطن لحد عظمة العانة، ولما تحسي بوخزة خفيفة يبقي وصلتي للنقطة الصح

 

خلينا نقولك ان فيه احتمال انك متقدريش تلاقيها بعد كل الخطوات دي، علشان كده ممكن تجربي إثارتها مع شريكك أثناء العلاقة وتكتشفوها مع بعض، أو تجربي أكتر من تجربة لحد ما تقدري توصلي للنقطة اللي بتوصلك للنشوة.

 

في الآخر خلينا نوضح ان مفيش طريقة واحدة محددة للوصول للنشوة الجنسية، سواء كانت المداعبة أو عملية الإيلاج أو استثارة الجي سبوت أو حتي غيرهم، انتي اللي بتحددي طريقة حياتك الجنسية مع شريكك ومدي استمتاعكم بيها علشان كده تقدروا تجربوا مزيج من كل الطرق دي وتلاقوا طريقتكم الخاصة بيكم، وده ممكن ياخد منكم شوية وقت لحد ما تلاقوا الطريقة المناسبة لتفضيلاتكم مع بعض لكن هتستمتعوا بالنتائج، عشان كده خليكي صبورة وخدي الأمور ببساطة وبهدوء.