مقالات

مجموعة من المقالات التي تتناول أهم الموضوعات المتعلقة بالصحة الجنسية

ازاي تتغلبي على خوفك في ليلة الدخلة؟

أول ما الفرح بيخلص وتخلص معاه فقرات الرقص المتعددة والفرحة والتهاني، بيبتدي القلق والتوتر يسيطر على العروسة وتبدأ تفكر كتير في اللي ممكن يحصل ليلة الدخلة.

جزء كبير من المشكلة دي عند البنات بيكون بسبب العادات والتقاليد اللي اتربينا عليها واللي بتخلي الكلام عن العلاقة الجنسية محظور وممنوع، وبالتالي البنت بتلاقي نفسها داخلة على تجربة وخطوة جديدة وكبيرة بالنسبة ليها، وفي نفس الوقت ملامحها مش واضحة وبيبدأ الخوف والقلق من هنا. عشان كده بنقدملك شوية خطوات تقدري تعمليها علشان تتجبني القلق والتوتر ده، وتقدري تستمتعي بعلاقة وتجربة أولى سعيدة في حياتك.

 

أول ما الفرح بيخلص وتخلص معاه فقرات الرقص المتعددة والفرحة والتهاني، بيبتدي القلق والتوتر يسيطر على العروسة وتبدأ تفكر كتير في اللي ممكن يحصل ليلة الدخلة.
جزء كبير من المشكلة دي عند البنات بيكون بسبب العادات والتقاليد اللي اتربينا عليها واللي بتخلي الكلام عن العلاقة الجنسية محظور وممنوع، وبالتالي البنت بتلاقي نفسها داخلة على تجربة وخطوة جديدة وكبيرة بالنسبة ليها، وفي نفس الوقت ملامحها مش واضحة وبيبدأ الخوف والقلق من هنا. عشان كده بنقدملك شوية خطوات تقدري تعمليها علشان تتجبني القلق والتوتر ده، وتقدري تستمتعي بعلاقة وتجربة أولى سعيدة في حياتك.

1- انسي الخرافات
الخرافات والشائعات اللي بتتقال بين البنات وبعضهم والموجودة كمان في العادات القديمة في بعض الأماكن بتكون غلط بس متوارثة بشكل كبير، مثلًا في بعض المحافظات والمناطق الريفية الأهل والأقارب بيستنوا لحظة خروج المنديل المدمم الدال علي عذرية وشرف البنت وانهاء مهمة معينة. متشغليش نفسك كتير بأفكار زي دي عشان في الواقع فيه عدد كبير من البنات مبينزفوش أثناء فقدان العذرية ولو انتي واحدة منهم خليكي متأكدة ان ده طبيعي وعادي وان معندكيش مشكلة من أي نوع.

2- ثقفي نفسك باستمرار
من أهم الحاجات اللي تقدري تعمليها وانتي داخلة على جواز انك تبدأي تثقفي نفسك في الحياة الجنسية الصحية من مصادر موثوقة زي المواقع العلمية الموثقة، واستشارات أطباء، وغيرها. أهمية الثقافة دي انك هتقدري تعرفي أكتر عن نفسك وعن شريك حياتك وعن العلاقة الجنسية وازاي تقدري تتعايشي معاها بالطريقة الصح. وبالتأكيد ابعدي عن القصص والروايات المنتشرة بين صاحباتك لأن معظمها بيكون إما مواقف فردية بتختلف من شخص للتاني، أو بتكون فيها نوع من المبالغة.

3- تواصلي مع شريكك
التواصل مع شريك حياتك مهم جدًا على مدار مراحل العلاقة الجنسية المختلفة، بدايةً من المرحلة الأولى وهي مرحلة التوقعات، حاولي تتواصلى مع شريكك وزوجك المستقبلي بخصوص توقعاتكم لليوم ده، ده بيخفف كتير من التجربة نفسها لما تحصل.
المرحلة الثانية هي التواصل خلال وبعد العلاقة الجنسية، ودي من أهم شروط نجاح العلاقة بينكم انكم تكونوا صرحاء مع بعض وفاهمين رغبات وتفضيلات بعض لأن كل شخص بيختلف عن التاني في تفضيلاته ورغباته، عشان كده بيكون مهم انك وشريكك تكونوا واضحين وتسمعوا لرغبات وتفضيلات بعض عشان تقدروا تحققوها قدر الإمكان.

4- التوقعات
التوقعات المبالغ فيها من الحاجات اللي ممكن تسببلك إحباط في العلاقة الجنسية لو مكنتش بالشكل المتصور أو المتوقع، عشان كده افتكري دائمًا ان العلاقة الجنسية من التجارب اللي بتحتاج لوقت عشان تتقنيها وتقدري تستمتعي بيها، عشان كده خدي الرحلة من أولها بدون توقعات، وارسمي تجربتك الخاصة بنفسك وخليكي واثقة انك هتستمتعي بيها، عشان أجمل حاجة في التجربة هي الرحلة نفسها مش الوجهة وبس.

5- اتخلصي من خوفك
شعورك بالتوتر شيء طبيعي في أول ليلة، بس الخوف والقلق الكتير لو سيطروا عليكي بيسببوا تشنجات في عضلات المهبل وبالتالي بيصعب عملية الاختراق وبيخلي عملية الجماع أصعب ومؤلمة أكتر من الطبيعي وده ممكن يسبب ليكي شعور مضاعف بالخوف والقلق، عشان كده بقدر الإمكان حاولي تسترخي وتتغلبي على الخوف والقلق لو سيطروا عليكي، ومتنسيش تستخدمي فيروزا جل الذي بيساعد على استرخاء العضلات التناسلية وبيزيد من استمتاعك.

دي كانت أهم 5 خطوات ونصائح نوجهها ليكي عشان تتجبني القلق والخوف من ليلة الدخلة وازاي تقدري تتغلبي على القلق ده وتستمتعي بليلة مميزة هتفضل ذكرياتها معاكي طول حياتك، كمان افتكري دائمًا ان ليكي الحرية التامة في السيطرة على الموقف وانك تعبري عن نفسك لو حسيتي بعدم الراحة، خدي الموضوع خطوة خطوة واستمتعي بوقتك وبحياتك.